Kōrero: Waka – canoes

Me mīharo ka tika, i te nui me te roa o Ngātokimatawhaorua. Kei ngā kōrero tuku iho, i te tūhuratanga a Kupe i a Aotearoa, ko tōna waka ko Matawhaorua. Nō tana hokinga ki Hawaiki, ka tāraia houtia te waka ka whakaingoatia anōtia ko Ngātokimatawhaorua. Ko Nukutawhiti te tangata i runga i te waka i tōna hekenga ki Aotearoa. Ko te waka e whakaatuhia ana i konei kei te mau i te ingoa o te waka tuatahi. I hangaia te waka nei mō ngā whakanuitanga o te kotahi rau tau mai i te hainatanga o te Tiriti o Waitangi i te tau 1940. Nō Te Puea Hērangi te whakaaro rangatira kia hangaa te waka. Ko Te Puea he wahine mana tiketike, he kaihautū nō te Kīngitanga. Nā Pita Heperi o Te Tai Tokerau rāua ko Piri Poutapu o Waikato te kaupapa i whakahaere. I tēnei wā, kei Waitangi i Pēwhairangi a Ngātokimatawhaorua e tawharau ana.