Tauākī matatapu

Ka taea e koe te whakaraparapa me te uru ki ngā mōhiohio i runga i tēnei pae tukutuku ahakoa kāore koe e homai ana i ngā mōhiohio matawhaiaro.

Ina tūao tō tuku mōhiohio matawhaiaro (arā mā te whakahoki kōrero ā-īmēra, mā ngā puka tuihono rānei), ki te kore e kīia kētia ka whakamahia noa iho aua mōhiohio e mātou ki te whakapai ake i ā mātou ratonga me te whakawhiti kōrero ki a koe. Ka whakahaumarutia aua mōhiohio, ā, ka whāki anake i ō mōhiohio matawhaiaro me tō whakaae, mēnā rānei ka herea mātou e te ture kia whāki atu.

He whāki i ngā mōhiohio

Kei te pupurihia ēnei mōhiohio e te Manatū Taonga (MCH). Kei a koe te motika kia kite i ngā mōhiohio e pupurihia ana e mātou, ā, kia pātai mai ki a mātou ki te whakatikatika ētahi o ō mōhiohio e pupurihia ana e mātou. Īmēra mai ki: [email protected] mēnā he āwangawanga āu.

Te Aroturuki Raraunga e whakamahia ana e tēnei pae tukutuku

Ka whakakotahitia ēnei mōhiohio, ā, e kore e tautuhi matawhaiaro. E tāpirihia ana:

  • tō wāhitau IP
  • ngā kupu rapu i whakamahia e koe
  • ngā whārangi i uru ai koe i runga tō mātou pae me ngā hononga i pāwhiritia ai e koe
  • te rā me te wā i toro mai koe ki te pae
  • te pae tohutoro (ina tētahi) i pāwhiritia ai koe ki te uru mai ki tēnei pae
  • tō pūnaha mahi (pērā i Windows 10, Mac OS)
  • te tūmomo pūtiro tukutuku e whakamahi ana koe (pērā i Mozilla Firefox, Chrome, Edge rānei); me
  • ētahi atu take āpiti noa iho pērā i te taumira mata, te wā tuku o tō putanga Flash i tāutahia me te whakaritenga reo o tō pūtiro.

Ka whakaatu Google privacy policy & principles ka pēhea tā rātou whakamahi i ngā mōhiohio matawhaiaro i tīkina i Google Analytics.

Ngā pihikete

E whakamahia ana ngā pihikete pūtiro e tēnei pae tukutuku ki te whakapai ake i te wheako o te kaiwhakamahi. He kōnae iti ngā pihikete e tukuna ana e tētahi pae tukutuku, ā, ka whakaputua ki te pūmārō o tō rorohiko. Kāore e whakamahia ana ngā pihikete nō tēnei pae ki te kohikohi, ki te whakaae rānei i te kohikohi o ngā mōhiohio tautauhi matawhaiaro.

Ka taea e koe te mono i ngā pihikete i ngā wā katoa — tirohia te wāhanga Āwhina o tō pūtiro. Kāore e whakaaweawetia tō āheinga kia kite i te pae. Heoi anō, kia mōhio mai koe ina pēnei ai koe kāore pea e taea e koe te whakamahi i ngā āhuatanga katoa o tēnei pae tukutuku.

Te aroturuki raraunga e whakamahia ana e tō mātou kiritaki īmēra mō ngā ī-kawerongo

Ka whakamahia e MCH a Campaign Monitor, tētahi ī-kawerongo kua whakaritea hei taputapu whakawhiti kōrero, ki te whakahaere me te tohatoha i ngā ī-kawerongo. Ka noho a Campaign Monitor ki Ahitereiria, ā, ka whakamahi pea i ngā tūmau i Amerika me ngā whenua i Ūropi, nā reira, mēnā kei runga koe i tō mātou rārangi īmēra ka whākina, ka whakamahia rānei pea ō mōhiohio i aua whenua. Ka whakamahi a Campaign Monitor i ō mōhiohio e ai ki tana Privacy Policy.

Ka aroturuki a MCH i te whakaaweawe o ēnei kawerongo mā te whakamahi i ngā taputapu tātari e tāpaetia ana e Campaign Monitor e kohikohi ana i ngā mōhiohio e whai ake nei:

  • Huakina motuhake – Ko te nuinga o ngā kaiohauru kua huaki i te īmēra me ō rātou wāhitau īmēra.
  • Whakamahinga kiritaki īmēra - nā tēhea pūkete īmēra (Gmail, Outlook, Hotmail) i huaki te īmēra
  • Ngā rohe - I huakina tēnei īmēra ki hea
  • Tupana - Ko te nama o ngā īmēra kāore i angitu nā te wāhitau tautauā, te rahunga DNZ, mēnā rānei kua kī rawa te pouaka mēra o te kaiwhiwhi
  • Kāore i huakina – Ko te nama me ngā wāhitau īmēra kāore i huaki i te īmēra
  • Ngā tohatoha – Ko te maha o ngā wā i tohatohaina te kawerongo mā te īmēra, Pukamata, Pae Tīhau rānei e te kaiohauru
  • Ko ngā hononga hira – Ko ngā pāwhiri nui rawa ki ngā hononga e tohu ana ki ētahi atu pae tukutuku, mōhiohio rānei kāore i roto i te īmēra
  • Kāore e āhei te kohikohi mōhiohio i tua atu i tēnei, te aroturuki rānei i te kaiwhiwhi hāunga i te ī-kawerongo whāiti. Ina katia te kawerongo e te kaiwhiwhi, kāore e taea te kohikohi i ētahi atu mōhiohio. Ina wetemai koe i ā mātou karere whakamōhio, kawerongo rānei, ka mukua ō taipitopito i tō mātou pātengi raraunga.

Mēnā he āwangawanga āu mō ngā mōhiohio matawhaiaro e pupurihia ana e mātou, tēnā īmēra ki  [email protected] tuhi rānei ki:

The Privacy Officer
Manatū Taonga Ministry for Culture and Heritage
Pouaka Poutāpeta 5364
Te Whanganui-a-Tara 6140