Kōrero: Ngā pakanga o Aotearoa

Ko Thomas Porter me ngā kūpapa

Ko Thomas Porter me ngā kūpapa

Ko te tangata tāroaroa kei te taha matau o te whakaahua nei ko Kāpene Thomas Porter. Kei te taha ia o ngā kūpapa nō Ngāi Tai (he pononga kāwanatanga Māori). I tangohia te whakaahua nei i Ōpōtiki i te tau 1871. I tae mai a Porter ki Niu Tīreni i te tīmatanga o ngā tau 1860. I whawhai ia ki te taha o Ngāti Porou i ngā pakanga ki a Te Kooti Arikirangi i te tau 1868. I te tau whai muri mai ka tohua ia hei kaihautū tuarua mo te kāhui whawhai pirihimana o Te Arawa. Ka hiki ia me tōna kāhui ki te whawhai i te whawhai whakamutunga o Tītokowaru i mua i tana hono atu ki a Ngāti Porou ki te hopu i a Te Kooti i ngā tau 1870 me te 1871. He mahi nui tā ngā kūpapa ki roto i ēnei pakanga. I te tīmatanga o te Pātea Field Force, te hunga i whawhai atu ki a Tītokowaru, tata ki te 150 ngā kūpapa i hono atu ki te 770 Pākehā, engari i te mutunga ka piki ake te rahi o ngā Māori ki te 400. Ko te nuinga o ngā kūpapa nō te taha whakararo o ngā iwi o Whanganui, i arahina e Keepa te Rangihiwinui, e mōhiotia ana anō hoki ki ngā tāngata Pākehā ko Meiha Kemp. 

Using this item

Hocken Library, University of Otago
Reference: S12-108b

Permission of the Hocken Library Uare Taoka o Hakena, University of Otago, must be obtained before any re-use of this image. Further information may be obtained from the Library through its website.

All images & media in this story

Me pēnei te tohu i te whārangi:

Danny Keenan, 'Ngā pakanga o Aotearoa - Te pakanga a Tītokowaru, tau 1868-1869', Te Ara - the Encyclopedia of New Zealand, http://www.TeAra.govt.nz/mi/photograph/36936/ko-thomas-porter-me-nga-kupapa (accessed 20 July 2019)

Story by Danny Keenan, published 20 Jun 2012, reviewed & revised 8 Feb 2017