Pāwhiritia ki te kōpere 'Ki Mua' me 'Whai muri' i runga ake kia kite i te katoa o ngā hīti e iwa o te Tiriti o Waitangi

I kawe te mihinare, a Henry Williams i tēnei hīti o te tiriti i runga i te kaipuke Ariel ki Te Whanganui-a-Tara, Pōneke rānei (i muri iho ka tapaina ki Weringatana), ā, i reira i kohikohi i ngā waitohu 34. I tāpiri ia i te 40 anō ki Tōtaranui me Rangitoto ki te Tonga. I waitohu te rangatira mana nui a Te Rauparaha i tana motu i Kāpiti, ā, i waitohu ētahi atu ki Waikanae, Ōtaki, Manawatū, Whanganui me Motungārara (he motu iti e tata ana ki te motu o Kāpiti). Hui katoa 132 ngā rangatira i waitohu i tēnei hīti o te tiriti.

Pānuitia he kōrero anō mō ngā tāngata i waitohu i tēnei hīti.