He hui rapu hōia tēnei a te Rōpū Mahi Māori mō te Pakanga ki Tāmaki i te marama o Hepetema i te tau 1942. Ko te tuawhā mai i te taha mauī, ko te Minita ko Paraire Paikea o Ngāti Whātua. E kōrero ana ia ki a Te Reiwhati Vercoe o Ngāti Pikiao, he ika ā-whiro nō ngā pakanga i Āwherika me te Pakanga Tuatahi. Nō te marama o Hune i te tau 1942 ka hangaia te Rōpū Mahi mō te Pakanga. Ko tōna tino kawenga he rapu hōia, arā anō ōna mahi ki roto i te mātauranga, te whakangungu me te whakarato i te ringa kaha tangata. I muri i te matenga o Paikea i te marama o Āperira i te tau 1943, ka whakaitingiaa ngā kawenga o te rōpū mahi, i muri i ngā āwangawanga o te Tari Māori me ngā rōpū kāwanatanga kei nunui rawa te rangatiratanga o te Māori mā roto i te Rōpū Tautoko i Ngā Mahi Whawhai.