Nō te 700 AD nōhia ai Te Pito o te Henua (Rapanui) e ngā tāngata o Te Moana-nui-a-Kiwa. He pāmamao te moutere nei; koianei te haerenga uaua, mōrearea rawa atu i haerea e ngā kaumoana o Te Moana-nui-a-Kiwa. Ka tawhiti atu tāu haere whakaterāwhiti i Te Moana-nui-a-Kiwa, ka uaua te haere i runga i te mōhio. Waihoki, ka ako rātou me pehea te haere i te moana nui i runga i te tika. Tohu ai ngā tauira rorohiko ki te mea i whai ngā kaumoana e hoki whakateuru ana i te kauhoe ahopae (latitude sailing). Whakamahia ai e ngā kaumoana e hoki whakateuru ana ko ngā whetū kōmata (kei tōna tūhoetanga, e iri ana taua momo whetū kei runga i tētahi moutere kei te mōhiotia) e tae ai rātou ki te ahopae o te wāhi e rapu nei rātou i te wā kei runga ake tonu rātou i te hau. Mai i reira ka rere hau rātou kia tae ki taua moutere.
Te whakamahi i tēnei tūemi
Alexander Turnbull Library, Evening Post Collection (PAColl-0614)
Reference:
1/4-031879; F
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.
Tāpiritia te tākupu hou