Ka whakawhiwhia ki a Ned Parata te hōnore mematanga a te NZRFU mō tana oranga katoa.
Whai muri
Ka whakawhiwhia ki a Ned Parata tana hōnore mematanga NZRFU e te perehitīni Douglas Spedding, i te tau 1943. E ai ki ngā kōrero ko Wiremu ‘Ned’ Teihoka Parata (o Ngāi Tahu) te kaiorokotīmatanga o te whutupaoro Māori. Ko Parata te tama a Tame Parata, he mema paremata mō te iwi Māori ki Te Waipounamu. Nāna te whakahau i tahuri mai ai te NZRFU kia whakaritea he tīma whutupaoro Māori hei haere i Ahitereiria i te tau 1910. Ko ia te perehitīni tuatahi o te uniana whutupaoro o Te Moana a Toi i te tau 1911, ka noho ki tēnei tūranga tae noa ki te tau 1925. Ko Parata te kaiwhakahaere o te tīma Māori o Aotearoa i ētahi haere tāwāhi katoa, ā, ko ia te perehitīni tuatahi o te Poari Tohutohu Māori o te NZRFU. He mema hoki nō te Poari o Ngāi Tahu. Nō te tau 1943 i whakawhiwhia ai ia ki te hōnore mematanga o te Uniana Whutupaoro o Aotearoa, ā, nō te tau 1948 ka whakawhiwhia ki te tohu OBE. Ka mate a Parata i te tau 1949, e 71 tōna pakeke.
Te whakamahi i tēnei tūemi
Hocken Collections, University of Otago
Reference: S06-5291
Permission of the Hocken Collections Uare Taoka o Hakena, University of Otago, must be obtained before any re-use of this image. Further information may be obtained from the Library through its website.