Koia tēnei te tīma Whutupaoro Māori o Aotearoa o te tau 1888-89. Nā Joseph Warbrick i whakarite te tīma, ā, tokowaru ngā kaitākaro nō ngā whānau e rua – tokorima nō te whānau Warbrick, tokotoru nō te whānau Wynyard (kotahi o rātou i uru ki te tīma i Piritana). Ka haere te tīma i Piritana, i Ahitereiria me Aotearoa. Ko ngā kaitākaro, rārangi o muri: Ko Arthur Warbrick, ko A. Webster, ko J. R. Scott (kaikōkiri), ko G. Williams, ko William (arā Billy) Warbrick, ko Alf Warbrick: rārangi o waenganui: ko E. Ihimaira, ko W. Wynyard, ko D. Gage, ko Joe Warbrick (kāpene), ko Fred Warbrick, ko G. Wynyard; aroaroākapa: ko Richard Taiaroa, ko T. Ellison, ko R. Maynard, ko Wi Karauria, ko C. Goldsmith. I te tau 2008 ka whakawahia a Joe Warbrick (tōna kotahi) me taua tīma tahi ki te Kāhui Whutupaoro Rongonui o te Ao.