Kei te whakahouhia e mātou te whārangi reo Māori nei
He mihinare a Te Wākana (Carl Volkner) mō te Kāhui Karakia Mihana ki Opōtiki mai i te tau 1861. I kaha ake te noho weherua o Te Whakatōhea me te Karauna i te pakarutanga o te whawhai ki roto o Waikato me Te Moana-nui-a-Toi, ka ngana ā Volkner ki te whakarata i te iwi o Te Whakatōhea ki te Karauna. Ka whakamōhio ia ki a Kāwana George Grey ngā nekeneke o te iwi. Nō te taenga atu o te Pai Mārire me tō rātou kaiārahi a Kereopa Te Rau, kātahi ka pupū ake te riri me te whakahē mō ngā Pākehā. I hoki mai a Te Wākana i Akarana i te 1 o Māehe 1865, ā, no te rā o muri mai ka kawea ia ki te rākau nei. Tata ki te 200 mita atu i tōna whare karakia te rākau, ka tāronatia ia mō ana mahi kaikaiwaiū me tana tuku i te iwi. I horomia e Kereopa ngā karu o Te Wākana, me te kī ko tētahi karu ko te Pāremata, ko tētahi atu ko te Kuini me te ture. Nā tēnei mahi kātahi ka tutū te puehu, ā, ka tonoa he ope taua pirihimana nui kia aukati i ngā pononga Pai Mārire i Ōpōtiki.
Nō te tau 2014 ka whakaputaina he murunga whakapae mō Kereopa Te Rau, hei wāhi o te whakatau i waenga i te Karauna me Ngāti Rangiwewehi i raro i te Tiriti o Waitangi.
Te whakamahi i tēnei tūemi
Reference: PAColl-8997
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.