He kāri tuku tēnei e whakaatu ana i ngā kōwhiritanga e toru o te haki o Aotearoa i whakaarotia e ngā rangatira ki Waitangi i te tau 1834. E tohu ana tētahi rangatira i tana mere ki te haki ō mua, arā te mea i tohua hei haki mō tēnei motu. Kei te mauī ko te whare o James Busby, te Kainoho o Ingarangi. Nāwai ka mōhiotia tēnei whare ko te Whare o Te Tiriti. Kei te taha matau ko ngā rangatira manuhiri e tū ana ki te atamira. E whakaarotia ana ko Busby to te tangata e mau ana i te pepa, nāna i whakakao te whakaminenga kia kōwhiritia tētahi haki. Tērā pea he mea tauira tēnei tauira o Busby i tētahi whakaahua nō muri rawa ake, i te mea kei te takiwā o te 30 tekau te pakeke o Busby. Kei tōna taha mauī ko Kāpene George Lambert, nāna te hautūtanga o te kaipuke HMS Alligator kei muri - nāna i pakū ngā pūmata 21 whai muri i te tīpakotanga o te haki.