Ka whakanuia te rā o Waitangi i ia tau. He whakaahua tēnei o te karakia o te atatū ki te rā o Waitangi ki te Whare Rūnanga i Waitangi i te tau 2011. I ngā tau o ruamano ka tautohetohe tonutia te tiriti me tōna kaupapa ake. I hua ēnei nawe i te takoto rerekē o te māramatanga reo Pākehā, reo Māori hoki. Kei raro iho tētahi whakapāhetanga o te wāhanga reo Māori, ā, he nui ōna rerekētanga. (kei te kōnae PDF).
Te Tuatahi
Ko nga Rangatira o te Wakaminenga me nga Rangatira katoa hoki ki hai i uru ki taua Wakaminenga ka tuku rawa atu ki te Kuini o Ingarani ake tonu atu te Kawananatangakatoa o o ratou wenua
Te Tuarua
Ko te Kuini o Ingarani ka wakarite ka wakaae ki nga Rangatira ki nga Hapu ki nga tangata katoa o Nui Tirani te tino rangatiratanga oo ratou wenua o ratou kainga me o ratou taonga katoa. Otiia ko nga Rangatira o te Wakaminenga me nga Rangatira katoa au ka tuku ki te Kuini te hokonga o era waahi wenua e pai ai te tangata nona te wenua ki te ritenga o te utu e wakaritea ai e ratou ko te kai hoko e meatiaa nei e te Kuini hei kai hoko mona.
Te Tuatoru
Hei wakaritenga mai hoki tenei mo te wakaaetanga te Kawaanatangao te Kuini. Ka tiakina e te Kuini o Ingarani nga tangata maori katoa o Nui Tirani ka tukua ki a ratou nga tikaka katoa rite tahi ki ana mea ki nga tangata o Ingarani.
Te whakamahi i tēnei tūemi
Reference: 060211NZHRGRDAWN04.JPG
Permission of the New Zealand Herald must be obtained before any re-use of this image.
Comments
05 February 2014