He whakaahua tēnei nā tētahi tohunga tā Wīwī i tā. I tauiratia tēnei whakaahua i ērā o Kāpene Kuki mā i ōna haerenga mai (i ngā tau o 1767-70 me ngā tau o 1772-75) e 50 tau ki muri. E whakaaturia ana tētahi rangatira Māori me tōna whānau ki Dusky Bay (ināianei ko Dusky Sound) kei Te Whakataka Kārehu a Tamatea. Ko te āhua nei, he rangatira te hunga nei. I te kitenga a Kuki i te iwi nei i tō rātou kāinga ka kite ia i te tau o ō rātou āhua, arā, kua pūtiki ngā makawe, me te titi tonu ki ētahi kura mā. I mua ake ka tono te rangatira kia hangā e Kuki he korowai whero māna. Nō te takohatanga o Kuki i te korowai whero, ka takoha anō te rangatira i tōna mere ki a Kuki.