Kei te whakahouhia e mātou te whārangi reo Māori nei

I te hipanga o te taua Pākehā i Pāterangi ka whakaeke rātou i a Rangiaowhia – he kāinga mahi kai nō ngā iwi o Waikato. Nō te atatū o te 21 o ngā rā o Pēpuere 1864 ka kōkiritia te kāinga. I tino ohorere te pā i te kōkiri ā Kānara Marmaduke Nixon me te Ope Hōia Eke Hōiho. I te kāhakitanga o Haihana McHale ki te urutomo i tētahi whare ka pūhia ia kia mate. Kātahi ka whakatika ana hoa ki te kohi i te tūpāpaku me te pupuhi i ngā kaiwawao o te kāinga. Nō konei ka pūhia hoki a Nixon. He pikitia whakaatu tēnei i tōna hinganga. Ko Nixon te tuarua mai i te taha mauī, ā, ko Rūtene Thomas McDonnell tērā e oma ana. Ko tētahi kei runga i te hōiho ko Cameron tonu. E rima ngā hōia, 12 ngā toa Māori ka mate i taua pakanga.