Kōrero: History

I te huakitanga o te riri ki Ūropi i te tau 1939, ka tukua anōtia e Aotearoa ōna hōia ki te taha o ngā hōia o Ingarangi whawhai ai, ki Ūropi, ki te raki o Āwherika me ngā whenua i ngā tahatika o te moana o te Mediterranean. I te taunga o te taua Tiamana ki Kiriti, i reira ngā hōia o Aotearoa. He whakaahua tēnei nā Peter McIntyre, o ngā heketau Tiamana e tau ana ki tētahi wāhi e tata ana ki tētahi hōhipera i Galatos, i te 20 o Mei, 1941. I mate etahi hōia o Aotearoa, ko ētahi i puta, ko ētahi i mauheretia. I te hingatanga o Hingapoa i ngā taua Hapanihi, i Ūropi ngā hōia o Aotearoa e whawhai ana. Nō konei ka tīmata te māharahara o te iwi kāinga. Ko te titiro a te iwi, ko Amerika kē te whakaruruhau mō Aotearoa, kāpā a Ingarangi.