He manu korokī, he ihumanea a Maharaia Winiata (nō Ngāti Ranginui). Koia pea te pouako Māori tuatahi kia ako i te mātauranga Māori ki te whare wānanga. He minita Metoiti ia i whakangungua hei kaiako. Nō te tau 1949 ka tohua ia hei kaiwhakarite i ngā kaiako mō te ako mātauranga Māori ki te hunga pakeke. I mahitahi anō ia ki ngā rangatahi Māori e hūnuku ana ki ngā taone, me te whakatūnga o ngā puni ako mai i te Tai Tokerau tae noa ki Ōtautahi. Nāwai ko ia te Māori tuatahi kia tohia ki te tohu kairangi mai i te whare wānanga i tāwāhi. Ko tōna tuhingaroa ko The changing role of the leader in Maori society, ka tāia i te tau 1967, i muri i tōna matenga.