Kōrero: Māori rugby – whutupaoro

Koinei te tīma whutupaoro o Te Aute Kāreti i te tau 1920, te tau tuatahi o te Kapu Mohaka mō ngā tīma whutupaoro kura tuarua. Ka wini tuatahitia e Te Aute te kapu i te tau 1925. Kua whakarārangihia ngā ingoa kaitākaro o tētahi o ngā kēmu o te tau 1920 ki te pūrongo niupepa ko Pine (kāpene), ko Peina (kāpene tuarua), ko Haitana, Ko Tahiwi, ko McPherson, ko Chambers, ko Matamua, ko Thompson, ko Walker, ko White, ko Wirimu, ko Bennett, ko Tibble, ko Chisley, ko Reihana; ko ngā kairīwhi: ko Coates, ko Sparks, ko Ruawai.  Nā Mr Scully, he māhita nō te kura, i whakahaere te tīma.