Nō te tau 1917 ka haere a Parekura Tureia o Ngāti Porou i te ope taituarā o te 28 ki Wīwī. I mua i tana hokinga mai ki Aotearoa, ka haere ia i te tīma Ope Tauā o Aotearoa, te tīma i wini rā i te Kapu Kīngi. Heoi anō ko Tureia rāua ko Nathaniel ‘Ranji’ Wilson – nō te rohe o Hamaika i Merika kē ōna tūpuna - i aukatia i te tīma i haere ki Āwherika ki te Tonga i te tau 1919, nā runga i te tono a Āwherika ki te Tonga. E rua tau i muri mai, ko Tureia te kāpene o te tīma Māori o Aotearoa i tākaro ki te hunga o Āwherika i Ahuriri, he tākaro i hua mai ai he tautohetohe i te kokotinga o te karere ā-waea a tētahi kairipoata o Āwherika ki te Tonga e whakatakē ana i te hunga Pākehā o Aotearoa mō tā rātou tautoko i te tīma Māori. Whai muri ka haere a Tureia ka whawhai i te Pakanga Tuarua o te Ao, ā, ka eke ki te tūranga kāpene. Ka mate i te pae o te riri i Āwherika ki te Raki i te 23 o Noema 1941 – e 44 te pakeke.
Te whakamahi i tēnei tūemi
Nga Taonga a Nga Tama Toa Trust
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.