Ko te whakatuwheratanga tēnei o te whare o Raukawa ki Ōtaki i te 14 o ngā rā o Poutūterangi i te tau 1936. E whā ngā haki e kapakapa ana. Mai i runga ko te haki o Ngāti Kapu ko 'Tainui'. E toru ōna tae, he tohu mō te taenga o te pirihi Māriha o Wīwī, o Pā Jean Baptiste Comte ki waenga i a Ngāti Kapu i te tau 1844, i tauawhi ai te hapū i te Hāhi Katorika. Kei runga i te haki ko te waka o Tainui me te whetū e kiia nei ko Tū-kai-te-uru. He takoha tēnei nā Kīngi Tāwhiao ki a Ngāti Kapu. Whai muri mai ko tō Ngāti Raukawa, e tāia ana ki te rīpeka me te ingoa o Raukawa. Kei tōna taha ko tō Ngāti Huia, arā he Haki Uniana me te ingoa Huia. He takoha tēnei nā te kāwana tianara o te wā nā Lord Onslow, ā, he mea tuku e tāna tama e Huia Onslow ki te iwi o Ngāti Huia i ngā tau tōmua o te rautau 1900. Whai muri mai ko tō Ngāti Wehiwehi, he ōrite ki te haki o Niu Tīreni me ngā kupu 'Ka kite ano taua'.
Te whakamahi i tēnei tūemi
Alexander Turnbull Library, Original photographic prints and postcards from file print collection, Box 2 (PAColl-5584)
Reference:
PAColl-5584-35
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.
Tāpiritia te tākupu hou