Kōrero: Tāwhirimātea – the weather

Kāore e tino kitea te hukarere ki ngā whenua tāpotupotu o Te Ika-a-Māui. He wā anō ka hau mai te mātao i te pū o te tonga, ka heke te hukarere ki ngā wāhi tāpotupotu; heoi, kāore e roa ka rewa. He papahuka rewa kore kei te puku o Te Ika-a-Māui, kei runga ake i te e 2,500 mita, heoi, i te nuinga o te wā kāore e heke te huka ki raro i te e 600 mita. I Te Wai Pounamu, kotahi, e rua pea ngā wā i te takurua ka heke te hukarere ki te e 200–300 mita ki runga ake i te paparitenga moana. Me kī, i te wā o te takurua, ka tau te huka ki ngā wāhi kei te e 1,000 mita kake ake. Hei te raumati ka kake ki te e 2,000 mita i Ngā Puke-māeroero.