E anga atu tēnei whakaahua mai i te rāwhiti, ā, kei runga e whakaaria ana ko ngā roto o Tikitapu (kei mua) o Tarawera (kei muri ki te taha mauī) me Rotomahana (kei muri i te pokapū). Kitea anō ai te tihi papatahi o te maunga o Tarawera (kei muri ki te taha mauī). Nō roto mai i te tekau tau 1880 kua tīmata te haere kaha a te hunga tūruhi ki Ōtūkapuārangi me Te Tarata ki te tahataha o Rotomahana. Atu i Ōhinemutu kua haere ngā tūruhi mā te pahi ki te kāinga o Te Wairoa ki te roto o Tarawera hoki. Mā runga waka whakawhiti ai rātou ki tērā taha o te roto ki te huarahi, mā konā hīkoi atu ki Rotomahana. Nā ngā mahi tāpoi kua taea e ngā kaiārahi, ngā kauhoe me ngā hawini hōtera he moni ki te roto o Tarawera.