Ko Tongariro te paenga o Te Arawa ki te tonga. E kōrero ana a Te Arawa mō te kakenga o Ngātoroirangi i a Tongariro. I tōna kakenga, ka whiua a ia e te āwhā me te makariri. Ka karanga a Ngātoroirangi ki ana tuahine ki a Kuiwai rāua ko Haungaroa kei Hawaiki, kia tonoa mai he ahi hei whakamahana i a ia. Ka tukua mai he ahi ki te whakaora i a Ngātoroirangi. E ai ki te kōrero, nā tēnei ahi ka tū te maunga o Ngāuruhoe. I tapaina taua maunga ki a Uruhoe, te pononga a Ngātoroirangi, nāna i whakamate hei raupanga. Ko Ngāuruhoe tērā kei muri.