Tatū rawa ki te tekau tau atu i 1970, ko ngā manene mai i Piritana Nui te hunga i manakotia hei tauhōu ki tēnei whenua. Ko te nuinga o ngā tāngata o Aotearoa i whānau mai i Piritana Nui, i whai uri rānei ki ngā tāngata whai tōmua i heke mai i Piritana Nui. Ko te Māori me ngā iwi o ngā moutere o Te Moananui-a-Kiwa anake te tōpūtanga tāngata nui i tua atu i te Pākehā. Hāunga tērā, tae mai anō ai ētahi atu iwi, i whaikaha kia pupuri ā rātou tikanga ki tēnei whenua. I te huringa o ngā tikanga heke i te tekau tau atu i 1970 ka whakakorea te paearu mō te kuhu ki Aotearoa i runga i te takenga iwi o te tangata. Waihoki, tini te tangata i tau mai nō ngā whenua maha o te ao, tae rawa ake ki ngā iwi o Āhia. Kitea ai te kanorau o ngā tāngata o Aotearoa i ngā wāhi pēnei i te mākete o Ōtara i Tāmaki-makau-rau.