Nō te tau 1815 ka tāia e te mihinare e Thomas Kendall te pukapuka tuatahi e pā ana ki te reo Māori. I roto i ngā marama ruarua whai i muri i tōna taunga ki Pēwhairangi mahi ai, ka oti te pukapuka. Ko te roanga ake o te ingoa o te pukapuka, ko A korao [kōrero] no New Zealand; or, the New Zealander's first book; being an attempt to compose some lessons for the instruction of the natives. I taua tau tonu e 200 ngā kape ka tāruatia e te mihinare, e Samuel Marsden ki Poihākena. Kotahi noa iho te mōrehu o aua kape kei te mōhiotia i ēnei rā. I te tau 1820 ka oti i a Kendall A grammar and vocabulary of the language of New Zealand. Ko ana kaitauawhi ko ngā rangatira ko Hongi Hika rātou ko Waikato ko te ahorangi reo ko Samuel Lee. He mea whakaputa te pukapuka ki Peretānia e te Rōpū Mihinare, engari i taurite ki tērā o ngā pukapuka a Kendall, he nui ngā hapa. E whā tau i muri mai ka whakahē ngā mihinare i te pukapuka o The Grammar’.