I whakatūria te whare whakairo o Te Hau-ki-Tūranga i te tekau tau 1840 ki Ōrākaiapu, he pā kei tūtata mai o Tūranganui-a-Kiwa. Ko te kaiwhakairo matua, ko Raharuhi Rukupō, ā, i whaongia te whare mā tōna tuakana, te rangatira o Rongowhakaata, a Tāmati Waaka Māngere. He maitai ngā whao i tāraia ai te whare nei, ā, ko tēnei whare tawhito rawa e ora ana i ēnei rā. I te tau 1867 ka raupatungia e te Minita Māori e J. C. Richmond, ā, ka mauria ngā whakairo ki Te Whanganui-a-Tara. Kātahi ka whakamahia hei wāhi hui mā te Rōpū Mātai Whakaaroaro. I te tekau tau 1930 ka hanga houtia e te Whare Taonga o Aotearoa i raro i te awe o Āpirana Ngata. Nāwai, ka kitea e te Rōpū Whakamana i te Tiriti o Waitangi, he mea whānako kē te whare. I whakaae a Te Papa Tongarewa mō te tau 2017 whakahokia atu ai ki a Rongowhakaata.
Te whakamahi i tēnei tūemi
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou