Kōrero: Te Whānau-ā-Apanui

Nā Roka Paora te waiata a ‘Marumaru’, ka kōrero mō ngā tīpuna o Te Whānau-ā-Apanui ka whakamarumaru i ō rātou uri whakaheke. Ka rārangitia ngā marae nui o te iwi. Ko tētahi o ngā marae ko Hikarukutai kei Maraenui, e whakaaturia i te kōwaiwai nei, a ‘Motu – Maraenui – ahiahitanga 2001’.

Marumaru

Marumaru ōku tīpuna i Whakaruru
Tū mai koutou hei awhi māku, māku hoki hei awhi e
Ko te poupou tuatahi
Ko TE HARAAWAKA me HIKARUKUTAI
Ko te poupou tuarua
Ko TŪTAWAKE, RONGOMAIHUATAHI, MATEKITĀTAHI e …
Ko te poupou tuatoru
Ko HINETEKAHU, ko TE EHUTU, ko KAIAIO me KAHURAUTAO
Ko te poupou tuawha
Ko MARUHAEREMURI, ko PARARAKI, KAUAETANGOHIA,
NGUNGURUOTERANGI
Ko TE HARAAWAKA noho mai Hāwai
Ko HIKARUKUTAI noho mai Maraenui
Kei Whitianga a TŪTAWAKE
RONGOMAIHUATAHI noho mai Ōmāiō
MATEKITATAHI o Ōtūwhare
Ko HINETEKAHU noho mai Waiōrore
Ko TE EHUTU kei Te Kaha-nui-ā-Tiki
Ko KAIAIO noho mai Maungaroa
Ko KAHURAUTAO kei Pāhāoa
Ko MARUHAEREMURI kei Wairūrū
Ko PARARAKI noho mai Raukōkore
KAUAETANGOHIA kei Whangaparāoa
NGUNGURUOTERANGI kei Pōtaka
Heke mai ki ahau nei e.