I ngā tau tōmua o te rautau 1900 ka hanga a Mākereti Papakura rāua ko tōna tuahine a Bella i tētahi kapa haka. I te tau 1910 ka tū rātou ki te whakaaturanga i Poihākena. I reira ka tonoa e ngā kaipakihi o reira kia taki haere rātou ki Ingarangi. E 40 tōpū ngā mea i haere, tae atu ki te pēne parāhe, ki ngā kaiwaiata tokowhā me te manu tīoriori, a Iwa. He pānui tēnei mō tā rātou tūnga ki te Whare o te Crystal Palace ki Rānana. Ahakoa te kaingākau o te iwi tūmatanui ki tērā haerenga, i pakaru tonu ngā pūkoro o ngā kaihaka. Nō muri mai ka whakahē ētahi o Whakarewarewa ki ngā mahi a Papakura, i te mea tata tonu i te haurua o ngā kaihaka i noho atu ki Ingarangi.