Ka noho tauira te hoko a Ngāti Kahungunu i te roto o Wairarapa mō ngā pānga kino o te hoko whenua ki ngā whakahaere o tētahi iwi. Mai anō i te tekau tau 1860, nā te waipuke o ō rātou pāmu, ka hiahia ngā kaipāmu Pākehā kia hokona, kia keria te roto o Wairarapa. Nā reira ka hiahia rātou kia hokona e te kāwanatanga te roto mai i a Ngāti Kahungunu. I roto i ngā tau, he maha ngā whakamātautau i pā ki te iwi mō te take nei, tae atu ki te keringa o te hāwai mai i te rae ki te taha moana o te roto. Waihoki, ka whakaae te iwi kia hokona te roto mō te moni me ētahi whenua kei Waikato. Ka ngaro tēnei tauranga ika ki te iwi, ka marara te noho a te iwi i te nekenga o ētahi o te iwi ki te rohe o Waikato.