Ko Tame Poata te tama a Thomas Porter, he kānara i roto i te ope taua o Peretānia i whawhai ki ngā pakanga whenua o Aotearoa. I moe a ia i te kōkā o Tame, i a Te Rangi-i-pāea, he wahine whai mana nō Ngāti Porou. I tū a Poata ki ngā kakari ki ngā Poa i Awherika ki te Tonga, ki te raki mā-uru o Īnia, ki roto hoki i te Hokowhitu a Tūmatauenga ki Te Pakanga Tuatahi o te Ao. Anei a ia e mau ana i ōna mētara. Mai i te tau 1920 ka tīmata ana mahi hai tohunga whakairo, tohunga tā moko hoki. Tae noa ki tōna matenga i te tau 1942, ka kawea e ia ōna ngira ki Te Tai Rāwhiti, ki Te Urewera, ki Rotorua me Waikato.