Story: Ngā iwi tuatahi

Pirongia i Waikato (3 o 3)

Pirongia i Waikato

Tērā tētahi kōrero mō Tāwhaitū te wahine a Ruarangi, e mahi kūmara ana i te take o te pae maunga o Hākarimata, e pātata ana ki Pirongia. Ka rongo ia i tētahi ringa kiritea e kōtē ana i tōna kakī. Ka kawea ia e Whanawhana o te iwi patupaiarehe ki tōna pā kei te tihi o Pirongia, ka aitia te wahine rā. Oho ake, e tīraha ana ia i te taha o tana tāne, engari i mōhio tonu a ia ka hoki a ia ki a Whanawhana. Ka tohua te tokorua rā e tētahi tohunga kia pania ō rāua kiri ki te kōkōwai (te karamea kua kōroria ki te hinu mango), kia tunua hoki he kai māoa. I taua pō ka tae atu a Whanawhana, heoi nā te kōkōwai me te kai māoa, kāore ia i whakatata. Heoi, i ēnei rā e noho ana ngā uri o Tāwhaitū ki ngā tahataha o te awa o Waipa. He urukehu ētahi o rātou, he tohu ki te aitanga a Whanawhana te patupaiarehe i a Tāwhaitū.

Using this item

GNS Science
Reference: 365/1
Photograph by Lloyd Homer

Permission of GNS Science must be obtained before any use of this image.

All images & media in this story

Me pēnei te tohu i te whārangi:

Te Ahukaramū Charles Royal, 'Ngā iwi tuatahi - Patupaiarehe me te Tūrehu', Te Ara - the Encyclopedia of New Zealand, http://www.TeAra.govt.nz/mi/photograph/2403/pirongia-i-waikato (accessed 25 March 2019)

Story by Te Ahukaramū Charles Royal, published 8 Feb 2005