Ka uru a Houmaitawhiti me ana tama, a Tamatekapua rāua ko Whakatūria ki te raruraru me te ariki a Uenuku. I te mamae a Uenuku i te whēwhē. Ka kitea te tākai o tana whēwhē e Pōtaka Tawhiti, te kurī mōkai a Houmaitawhiti, ka kainga. I te kitenga a Uenuku i tēnei, ka patua e ia te kurī, he tapu hoki taua mea i kainga e te kurī rā. Hei utu mō tēnei, ka whānakotia e ngā tama a Houmaitawhiti ngā hua o te rākau o Uenuku. Nāwai ā, ka pakaru te riri. Ka whakaaro a Tamatekapua kia wehe atu rātou i Rangiātea. Ka auahatia tōna waka, ka wehe atu rātou ko tōna iwi. Ka noho atu tōna matua ki Rangiātea. He whakairo tēnei o Houmaitawhiti.