Ka rere ngā wai o Te Wairarapa ki te roto o Ōnoke, kātahi ka rere ki te moana. E 3 kiromita te pāmamao o Ōnoke i te moana. I te tau 1965 ka kōrero a Tame Saunders o Te Wairarapa mō te puarenga me te katinga o te pūaha o Ōnoke i te wā o te tau e heke ana te tuna:

Mai anō ka kati te pūaha o Te Wairarapa hei te paunga o Pēpuere, hei te tōmuatanga rānei o Maehe, kia aha ai, kia ngāwari ai te ara o ngā tuna. E ai ki te kōrero, ko Rākai Uru te kaitiaki o te roto, ā, koia te mea kati i te puta. He rite te āhua o Rākai Uru ki te poro tōtara. Ina tae ki te wā ka heke ngā tuna, kua rere a Rākai Uru ki waho ki te moana, kati ana te roto ki muri. Arā anō he kōrero mō te haere a tēnei taniwha ki Waihora i Te Wai Pounamu. Kia kotahi wiki pea e kati ana te moana o Wairarapa, kātahi ka tīmata ngā tuna te heke.

T. V. Saunders, ‘The eels of Lake Wairarapa.’ ">Te Ao Hou 51 (June 1965): 37