Kōrero: Ngāti Tūwharetoa

Whārangi 1. Te whenua me te iwi

Ngā whakaahua me ngā rauemi katoa o tēnei kōrero
Ko Tongariro te maunga
Ko Taupō-nui-a-Tia te moana
Ko Ngāti Tūwharetoa te iwi
Ko Te Heuheu te tangata.

Kei te puku o Te Ika-a-Māui te rohe whenua o Ngāti Tūwharetoa. Kapi te moana o Taupō i te rohe. Ko ōna paenga whenua:

  • te raki - te piriti o Mihi kei te tonga o Reporoa
  • te uru - Tītīraupenga, te pae maunga o Hauhungaroa, ka rere ki Taumarunui i te tonga-mā-rawhiti
  • te rāwhiti - te ikawhenua o Kaimanawa
  • te tonga - te Rohe Tāpui ā-Iwi o Tongariro

He rahi ngā whānau o Ngāti Tūwharetoa e noho ana ki ngā takiwā o Moawhango, o Te Ara-taumaihi (Bulls), o Tokorangi. Ko te kōrero a te iwi mō tēnei āhuatanga, ‘Ko te tomokanga o te iwi ki te tonga, ki Tokorangi.’

Ka taea te whakarōpū i ngā hapū o Ngāi Tūwharetoa ki ngā huinga e rua ka whai iho nei:

  • Te Mātāpuna: Noho ai tēnei wāhanga o te iwi ki te tonga o Motutaiko, he motu kei te moana o Taupō. Kīia rātou, ko te pūtake o te iwi
  • Te Hikuwai: Kei te raki o te moana ngā whenua o tēnei wāhanga o te iwi. Ko rātou ‘te hikuwai’, i te mea noho ai rātou ki te pito o te moana ka puta te awa o Waikato.

.

Me pēnei te tohu i te whārangi:

Martin Wikaira, 'Ngāti Tūwharetoa - Te whenua me te iwi', Te Ara - the Encyclopedia of New Zealand, http://www.TeAra.govt.nz/mi/ngati-tuwharetoa/page-1 (accessed 8 March 2021)

He kōrero nā Martin Wikaira, i tāngia i te 8 Feb 2005, updated 1 Mar 2017