I whakaputangia tēnei kōrero i te nūpepa Dominion i te 30 o Āperira 1948. E kōrero ana te minita o Ahitereiria mō ngā hekenga, me aukati te haere atu o ngā Māori ki Ahitereiria, i te mea nō Te Moana-nui-a-Kiwa rātou. Ka tū te raruraru i waenganui i a Aotearoa me Ahitereiria; nō muri ka tuku whakapāha ia. Ahakoa i ngana ētahi tāngata tōrangapū o Ahitereiria ki te aukati i te kuhu a te Māori ki tērā whenua i ngā tau tōmuri o te tekau tau o 1950, kāore i eke ki tā rātou i hiahia ai. I te mea kei raro te Māori i te maru o te karauna o Ingarangi, i āhei rātou kia hūnuku ki Ahitereiria. Heoi, kāore i whāia tēnei huarahi e te tini Māori, kia tae rā anō ki te tekau tau atu i 1960.