Kōrero: Ngā Māori kei tāwāhi

He reta mai i tētahi rangatira Māori kei Ingarangi

He reta mai i tētahi rangatira Māori kei Ingarangi

I tae ētahi Māori ki Ingarangi i te rau tau 1800. I te hiahia katoa ngā Pākehā o Ingarangi i ngā kōrero mō Te Moana-nui-a-Kiwa. I hiahia hoki te Māori kia mōhio ki te kāinga i ahu mai ngā Pākehā.

He reta tēnei nā Kamariera Te Hautakiri Te Wharepapa, nō te 29 o Hanuere 1864, ki a ‘Miss Selwyn me ngā uri katoa o te Pīhopa o Niu Tireni.’ I roto a Te Wharepapa i tētahi tira he mea whakarite e te reimana Weteriana a William Jenkins. Ahakoa whakarangatiratia ai rātou i tō rātou taenga ki Ingarangi, i kino tā rātou whakawhitinga, i tūkinotia rātou e Jenkins. I tana tuhinga i te reta nei, kua pāngia kē a Te Wharepapa i te mate, i te mokemoke hoki. Nā ētahi o ōna hoa mihinare ana kupu i whakapākehā. E kōrero ana tana reta:

‘Kei te paheke tā mātou hauora, kei te ngoikore haere mātou. Ki ōku whakaaro, me rapu kē e mātou he oranga mō mātou mō ēnei rā. Kāti koinā, ka nui ngā mate ka pā ki tēnei haerenga a mātou. Ko koe te tuahine a te Pīhopa e aroha nui nei mō Niu Tīreni, nā reira māu e kōrero i ngā kōrero nei ki a ia. Ka koa mātou i tō atawhai i ngā Māori tērā ka haere ki te kite i a koe, ka hiki ō mātou ngakau, ka kaha mātou ki te whakaputa kōrero mō ā mātou taumahatanga i tēnei haerenga pokanoa ki Ingarangi.’

Te whakamahi i tēnei tūemi

Auckland War Memorial Museum Tamaki Paenga Hira
Reference: MS 60 FOLDER 108

Permission of the Auckland War Memorial Museum Tamaki Paenga Hira must be obtained before any re-use of this image.

Ngā whakaahua me ngā rauemi katoa o tēnei kōrero

Te tuhi tohutoro mō tēnei whārangi:

Carl Walrond, 'Ngā Māori kei tāwāhi - Ngā tāngata haere Māori rau tau 1700 me 1800', Te Ara - the Encyclopedia of New Zealand, http://www.TeAra.govt.nz/mi/document/1315/he-reta-mai-i-tetahi-rangatira-maori-kei-ingarangi (accessed 29 March 2024)

He kōrero nā Carl Walrond, i tāngia i te 8 Feb 2005