E whakaatu ana tēnei whakaahua i ngā takotoranga kai o roto i te hāngī. I te tuatahi ka keria te rua, ā, ka tahuna he wāhie i roto. Ko ngā kōhatu i runga i te wahie. Ka pau te wahie katoa, ka wera ngā kōhatu, ka kokongia mai ngā ngārahu, ka hoatu ngā kete mīti ki runga, kātahi anō ko ngā huawhenua. Ka tino ringihia ki te wai. Whai muri ka ūwhia ki te whāriki me te one i runga. Mā te koromamao e āta tunu. He tikanga tunu kai te hāngī ka kitea ki runga marae, ki ngā hui me ngā kāinga.