Kōrero: Māori creation traditions

I mahia tēnei pare mā ngā whao kōhatu ki Te Moana-a-Toitehuatahi i te tekau tau atu i 1850. Ko Ranginui rāua ko Papatūānuku ēnei i te wā o Te Pō. Ka kōrero ngā koru mō te haerenga mai o te māramatanga. Nā Hūkiki Te Ahukaramū o Ngāti Raukawa tenei kōrero i te rau tau 1800 mō te wehenga o Rangi rāua ko Papa:

Ka moe [a] Rangi i a Papatūānuku, te wahine o Tangaroa, i pūremutia e Rangi … Ka puta ki waho ko … Tānenui-a-rangi …Ka whakaaro rātou kia puta iho te rā i te kēkē o Rangi. Ka mea [a] Tānenui-a-rangi ‘Tēnei te rā kei runga e whiti ana’. Ka mea [ia], ‘Me toko tō tātou matua kia waiho ko te wahine ko Papa hei matua mō tātou’. Ka mea rātou, ‘Tokona, wehea rāua, kia tau kē te wahine kia tau kē te tāne, kia tupu ai tātou ki te Ao’. Kātahi ka tokona te rangi. E tū iho ana a Rangi e takoto nei a Papa.