He mea tuku iho te whakatū i te koroneihana (he whakanuitanga ā-tau i te whakawahinga) i ia tau. Kāore e taea te tū i te tau 2020 me te tau 2021 nā te rāhui o te KOWHEORI-19 me ngā aukatinga hāngai. Nā reira, he motuhake, he whakaaroharoha te koroneihana i te tau 2022 i te marae o Tūrangawaewae i Ngāruawāhia.
Ko tētahi āhuatanga o te kaupapa rā he kawe mate, e whakaatuhia ana i roto i tēnei ataata. Ka hui mai ngā iwi o Waikato-Tainui nō ngā pito katoa o te motu, e hari mai ana i ngā whakaahua o te hunga i wehe ki te pō i roto i ngā tau i waengnui, ki te tangi mō tō rātou iwi, tō rātou kīngi hoki.
Te whakamahi i tēnei tūemi
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.