Ko te nuinga o aua whenua kei ngā ringa tūmataiti e pupuri ana, kei raro i ngā whakahaere o nga tari kāwanatanga; hei tauira, i waenganui i te tau 1956 me te tau 2014 ko Te Papa Atawhai te kaiwhakahaere i Te Urewera. Kua tae ngā tono a te iwi ki mua i te aroaro o Te Rōpū Whakamana i te Tiriti mō tēnei take. E 33 ngā rōpū kerēme, te nuinga nō Ngāi Tūhoe. Nō te marama o Nōema 2003, ka tīmata te hīkoi a te rōpū nei ki roto i a Te Urewera, i te marae o Tātaiāhape i Te Waimana. Ia marama, ka tū te rōpū nei ki tēnā kāinga, ki tēnā kāinga i te rohe o Ngāi Tūhoe. I tangohia tēnei whakaahua ki te hui a Te Rōpū Whakamana i te Tiriti i te marae o Te Waimako ki Waikaremoana i te marama o Whiringa-a-nuku 2004. Nō raro tonu mai i te whakataunga tiriti a Ngāi Tuhoe, ka whakakorehia te whenua rāhui i te tau 2014, a, ka taka ngā whakahaere o te ngahere ki raro i Te Poari o Te Urewera hei tohu i te whai hiranga nui o Te Urewera ki a Tūhoe.
Te whakamahi i tēnei tūemi
by Keri Turuwhenua
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Comments
09 September 2015