I tipu te aroha a Kurupō Tāreha mō te kēmu hahaupōro i tōna haerenga ki te Karapu Hahaupōro Roera o Hato Anaru ki Kotirana i te tau 1897. Nā Kurupō rāua ko tōna tuakana a Roera i whakawhanake te 40 heketea o tō rātou pāmu i Waiohiki hei papa hahaupōro. Nāwai ka rangona tēnei wāhi ko Waiohiki Links, nō muri rawa mai ka kīia ko Napier Golf Links. I te tau 1903 ka toa i a Kurupō te Whakataetae Hahaupōro o Aotearoa. He kaiwhakatū ia i te Rōpū Hahaupōro Māori o Aotearoa, ā, koia te kairangi o te rōpū tae noa ki tōna matenga i te tau 1938.
Te whakamahi i tēnei tūemi
Alexander Turnbull Library
Reference:
1/2-038029-F
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.
Tāpiritia te tākupu hou