I te 2 o Maehe 1865, ka patua te mihinare a Te Wākana (Carl Volkner) ki Ōpōtiki e te Hauhau e Kereopa Te Rau mā, he whakapae nā Te Whakatōhea he heriheri kōrero a Te Wākana ki te kāwanatanga. Nā Ngāi Tūhoe a Kereopa i whakamarumaru ki Te Urewera mō ngā tau e rima, i te wā e whai ana ngā ope taua a te kāwanatanga ki te hopu i a ia. Kia tae rawa ki te tau 1871, kua pāhuatia ngā kāinga o Ngāi Tūhoe, kua patua, kua mauheretia te nuinga o ngā tāngata. E puta ai te iwi i ēnei tūmahi kino rawa atu, ka tukuna e Tūhoe a Kereopa ki ngā ringaringa o ngā kūpapa a te kāwanatanga. Ka kawea e rātou a Kereopa ki Ahuriri (Napier), ki reira whakamatea ai.
Nō te tau 2014 ka whakaputaina he murunga whakapae mō Kereopa Te Rau, hei wāhi o te whakatau i waenga i te Karauna me Ngāti Rangiwewehi i raro i te Tiriti o Waitangi.
Te whakamahi i tēnei tūemi
Alexander Turnbull Library, Samuel Carnell Collection (PAColl-3979)
Reference: 1/4-022022; G
by Samuel Carnell
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.