I manakohia te Kīngitanga hei kaupapa whakakotahi i ngā iwi Māori ki ngā whiriwhiringa me te kāwanatanga Pākehā. I tōna whakaūnga ki Pūkawa i te moana o Taupō i te tau 1857, ka whakatūria e Te Heuheu Iwikau tētahi pou haki; kei runga ko ētahi taura harakeke e iri ana. E mea ana ia ko te pou haki ko Tongariro, arā, te maunga tapu o Ngāti Tūwharetoa. Ko ngā taura ko ērā atu o ngā maunga tapu o ia iwi. I te whakahuanga o ia maunga, ka ara ake te rangatira o tēnā iwi ki te nanao i te taura, me te titi i tētahi pito ki te one hei tohu tautoko ki te Kīngitanga. He mahere tēnei o ngā maunga tapu whakahirahira puta noa i Aotearoa.
Te whakamahi i tēnei tūemi
Te Ara - The Encyclopedia of New Zealand
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.