E whakaatu ana ngā kauwhata i ngā raraunga mai i te rangahau a te Manatū Hauora i te tau 2007-8. E rua ngā āhuatanga o te whakamahi whakapōauau. Ko te kauwhata tuatahi ka taurite i te tau tīmata o te kaiwhakamahi whakapōauau Māori mai, Tauiwi mai hoki. Ko te kauwhata tuarua ka whakaatu i te whakatau tata mō te hunga Māori mai, Tauiwi mai hoki e whakamahi ana i te tarukino, te BZP, te Pī me ngā solvents.
Me āta pānui te kauwhata tuarua, nā te rerekē o te tau toharite pakeke mō ia rōpū. He rahi ake te hunga kura tuarua, me te hunga kei te takiwā o te 20 te pakeke. Koinei te wā e kaha kai te tangata i te whakapōauau. Ko tēnei tētahi take he nui noa atu ngā tatauranga Māori ki ērā o te Pākehā (he rahi ake te hunga kaumātua). Mēnā ka whakaōritehia te hanganga tau pakeke, kua whāiti anō te āputa i waenga i ngā taupori. Ka mutu kāore te auau teitei ake e whakaatu he nui noa ake te hunga e whakamahi ana i tētahi whakapōauau. Hei tauira, he nui ake te ōrau o te iwi Māori i tō te iwi Pākehā mō te kai solvent. Engari ana e 5,900 ngā kaiwhakamahi Māori, e 24,300 ngā kaiwhakamahi Pākehā.
Te whakamahi i tēnei tūemi
Te Ara - The Encyclopedia of New Zealand
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou