I te tekau tau atu i 1990 ka heria e Ngāti Awa āna take ki mua i te aroaro o Te Rōpū Whakamana i te Tiriti o Waitangi. Nō te tau 1999 ka puta te pūrongo e pā ana ki ngā raupatu. Ka noho te iwi me te Karauna ki te whitiwhiti kōrero i mua i tētahi whakataunga hukihuki i te marama o Hūrae 2002. Kei roto i te whakataunga, he whakapāha ōkawa, he whakawhiti i te mana whakahaere o ētahi wāhi nui e whitu ki a Ngāti Awa, he moni me te whenua e $42.39 miriona te uara. Anei a Hirini Moko Mead rātou ko John Wilson me Pouroto Ngaropo e haina ana i te hukihuki o te whakataunga tiriti. E tiro atu ana te minita take tiriti a Margaret Wilson rāua ko Paul Quinn. Nō te Poutūterangi o te tau 2003 ka tāmokohia te waikanaetanga. Otirā nō te tau 2005 tutuki mārika ai te whakataunga.
Te whakamahi i tēnei tūemi
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.
Tāpiritia te tākupu hou