Whai muri i te Pakanga Tuarua o te Ao, he nui te iwi Māori i hūnuku ki ngā tāone rapu mahi ai. Nō te tekau tau atu i 1960 ka matika he rōpū mautohe kei ngā tāone. Ko Ngā Tamatoa tētahi rōpū tū kaha. I whakapau te rōpū nei i ōna kaha ki te maha o ngā kaupapa, pērā i te whakaoranga o te reo Māori. I te marama o Nōema i te tau 1972, ka nōhia mautohetia e Ngā Tamatoa ngā papa o te Paremata mō ngā wiki e toru. Ko te hunga nei (taha mauī kei muri) ko Toro Waaka (Ngāti Kahungunu), ko John Ohia (Ngāi Te Rangi me Ngāti Pūkenga), ko Paul Kotara (Ngāi Tahu), ko Tame Iti (Ngāi Tūhoe), (taha mauī kei mua) ko Orewa Barrett-Ohia (Ngāti Maniapoto), ko Rāwiri Paratene (Ngāpuhi) ko Tiata Witehira (Ngāpuhi).
Te whakamahi i tēnei tūemi
Alexander Turnbull Library, Dominion Post Collection (PAColl-7327)
Reference:
EP/1972/5388/11a
Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.
Tāpiritia te tākupu hou