Ahakoa ngā tūmomo kōmaru ka whakamahia ki ngā ndrua, ko te nuinga ka rite te hanga ki te ‘V’. Mā tēnei ka māmā ai te tohu i te rā mā te taura. Ka herea ngā rā ki tētahi tira poto. I poto ai ngā tira kia kore ai e whati. I herea ngā tira mā ngā taura i whatua mai ki te weu kokonati me te kiri o te rākau puarangi. Neke atu i te 35 mita te roa o ētahi ndrua. Ki tā ngā tāngata hōpara tōmua ki Te Moananui-a-Kiwa, ka taea e ēnei waka te haere ki te moana nui mō ngā rā e 20, ā, ka taea te whakatere i te waka mō te 150–250 kiromita te tawhiti i te rā kotahi. Nā reira ka taea noa e te hinengaro te whiriwhiri, ehara, i taea e ēnei momo waka te hōpara haere i ngā moutere o Te Moananui-a-Kiwa.