Kōrero: Papatūānuku – the land

I tapaina ētahi wāhi o te whenua ki ngā wāhi o te tinana o te tangata, hei aha, hei whakapūmau i te hononga i waenganui i te tangata me Papatūānuku. I tapaina te ika whenua o Tararua ko Te Tuarātapu-o-Te Rangihaeata, hei tohu maharatanga i te tatau pounamu i waenganui i a Ngāti Toa me Ngāti Kahungunu. Ka noho te pae maunga nei hei paenga i a Ngāti Toa i te uru, i a Ngāti Kahungunu i te rāwhiti. Ko te pae maunga o Tararua tēnei mai i maunga Hector ki maunga Crawford.