Kōrero: Taniwha

Te Tahi-o-te-rangi

Te Tahi-o-te-rangi

Ka tere a Te Tahi-o-te-rangi mai i Whakaari ki uta mā runga i a Tūtarakauika. Iri ai te pikitia nei ki te marae o Wairaka i Whakatāne i te tekau tau atu i 1920. He pēnei ngā kōrero:

1) I au i haere mai nei i Whakaari ki Whakatane, i haere mai au i runga i te kare o te wai. I te huarahi i haere atu ai a te Karaiti ki te tango ake ia Haimona Pita i roto i te wai.
2) Na, i taku whakatakoto tanga atu i taku mauri ki te wai, tuhera tonu mai he ara moku i runga i te kare o te wai, hai ara atu moku ki Whakatane. Pera hoki me Mohi i whaka takoto atu ra i tana tokotoko ki te Moana Whero, a tuhera ana te moana kiaia, whiti atu ana ia ite moana whero ki tetahi taha.
3) Na ko toku kamera e tu nei au i runga, ko te kamera ano tenei i haria atu ai a Hona ki te kauhau i ninewa. Na ko wai o koutou e hikataurewa ma, e rite te nui o te mana ki toku mana, e kaha ranei ki te haere mai i toku huarahi. Ki te aaru mai hoki koutou i muri i a au, ka pera ano koutou me Haimona Pita, i totohu ra ki te wai, ia te Karaiti i ki atu ra ki a ia, he aha tau e te hunga whaka pono iti ngakau rua.

Using this item

Alexander Turnbull Library, Albert Percy Godber Collection (PA-Group-00048)
Reference: APG-1038-1/2-G
Photograph by Albert Percy Godber

Permission of the Alexander Turnbull Library, National Library of New Zealand, Te Puna Mātauranga o Aotearoa, must be obtained before any re-use of this image.

All images & media in this story

Me pēnei te tohu i te whārangi:

Basil Keane, 'Taniwha - Tohorā, aihe, rākau tipua', Te Ara - the Encyclopedia of New Zealand, http://www.TeAra.govt.nz/mi/photograph/10891/te-tahi-o-te-rangi (accessed 26 June 2019)

Story by Basil Keane, published 24 Sep 2007