E ai ki te whakaritenga rūnanga a Kāwana George Grey ka noho ngā iwi hei kaunihera whakahaere ki raro i te maru o te kāwanatanga. Nō te tau 1861 ka whakamanaia tēnei whakaritenga hei whakawai i te hunga Māori mai i te Kīngitanga. E ai ki a kaiwhakawā John Gorst: 'Ka wāhia te whenua ātea a ngā tāngata whenua ki ngā Rohe e rua tekau, ā, kia tirohia iho a ia rohe e tētahi Kaikōmihana Ingarihi. Ka whakatakiwātia hoki ngā rohe kia ono ngā Rau (takiwā), ā, mā ia takiwā e kōwhiri kia rua ngā kaiwhakawā Māori, kia kotahi te wātene, kia rima ngā pirihimana. Ka utua ēnei āpiha e te Kāwanatanga; kaiwhakawā, atu i te £30 pauna ki te £50 pauna i te tau; wātene, £30; pirihimana £10, tae atu ki te hūtu i ia tau. Mā ngā kaiwhakawā tokorua o ia Rau e whakatū i te Rūnanga Rohe e tirohia ana e te Kaikōmihana Ā-Motu' (J. E. Gorst, The Maori King. Ōtautahi: Kiwi, 1999 (i whakaputaina tuatahitia i te tau 1864), wh. 134).
Heoi i tōna whakahautanga he maha ngā tūmomo rerekētanga ki ia rohe, ā, ko tēnei tauira i ahu mai i te pūrongo kāwanatanga mō tētahi hanganga ki Pēwhairangi.
Te whakamahi i tēnei tūemi
Te Ara - The Encyclopedia of New Zealand
Source: Lindsay Cox, Kotahitanga: the search for Maori political unity. Auckland: Oxford University Press, 1993
This item has been provided for private study purposes (such as school projects, family and local history research) and any published reproduction (print or electronic) may infringe copyright law. It is the responsibility of the user of any material to obtain clearance from the copyright holder.