Nā Isaac Gilsemans tēnei pikitia i tā i te tau 1643 i tana haerenga ki ngā moutere o Tonga i te taha o te kaihōpara Tatimana, a Abel Tasman. E rua ngā tongiaki kua herea ki ō rāua tumu. Kua tukuna ō rāua tokotū me ō rāua kōmaru. Kāore e tino kakama te tongiaki, engari ka tau tana noho ki te moana, kāore i pērā i ngā waka hī ika i ngā taha o te kaipuke o Tasman. I mōhio tonu a Tasman koinei ngā waka i kitea e Willem Cornelis Schouten rāua ko Jacob Le Maire i ā rāua e haere ana i waenganui i a Tonga me Hāmoa i te tau 1616. Ko te waka hourua nui rawa atu he tauira o ngā waka o Whītī, i tāraia mai i Hāmoa. E 500 ki te 600 te nui o te tangata i taea e te waka nei.