Kōrero: Te mahi tītī

Whārangi 2. Te mahi tītī

Ngā whakaahua me ngā rauemi katoa o tēnei kōrero

E rua ngā mahinga tītī: ko te nanao ki te pī i te rua; ko te rama pī ka puea i o rātou rua.

Te nanao

Ko te wāhanga nanao i te 1 ki te 22 o Paengawhāwhā; heoi, ka rerekē tēnei ia tau ki ia moutere hoki.

Ka mahi ngā tāngata i te awatea ki te nanao i te pī mai ō rātau rua. Kei roto i te rua kotahi he pī kotahi. Ka takoto te tangata kia pai ai tana whātoro ki roto i te rua kia tango i te pī. Mēnā kāore e taea te manu, kua keria he rua hei tango i te manu.

Ka patua wawetia te tītī. Kātahi ka pēhia te puku kia ruaki mai te manu i ngā hinu. Kātahi ka purua te waha o te manu ki ētahi huruhuru, one rānei kia kore ai ētahi paru mai te puku e whakakino i ngā huruhuru. Ka uaua ake te huhuti i ngā huruhuru ki te pēnei.

Te rama

Ko te wāhanga rama tītī atu i te pokapū o Paengawhāwhā ki te 31 o Haratua. I te nuinga o te wā ka oti ngā mahi atu i te 15 ki te 20 o Haratua, i te mea kua whai parirau ngā pī.

Ka rama mō ngā tītī ka puta mai i ō rātou rua ki te roha i ō rātou parirau. Ka puta mai ngā manu i ngā pō pōuri, i te wā e kaha ana te pupuhi o te hau me te heke o te ua. Nō konei he maha ngā tītī ka hopukina e te tangata i roto i te wā poto.

Me pēnei te tohu i te whārangi:

Philip Lyver, Jamie Newman and the Rakiura Tītī Islands Administering Body, 'Te mahi tītī - Te mahi tītī', Te Ara - the Encyclopedia of New Zealand, http://www.TeAra.govt.nz/mi/te-mahi-titi/page-2 (accessed 23 November 2019)

He kōrero nā Philip Lyver, Jamie Newman and the Rakiura Tītī Islands Administering Body, i tāngia i te 12 Jun 2006